26 دسمبر کو قومی اسمبلی سیکرٹریٹ میں سرکاری تعطیل کا اعلان

کیبنٹ ڈویژن کے نوٹیفیکیشن کی روشنی میں قومی اسمبلی سیکرٹریٹ نے کل بروز جمعہ مورخہ 26 دسمبر 2025 کو سرکاری تعطیل کا اعلان کر دیا ہے۔ ترجمان قومی اسمبلی کے مطابق اس حوالے سے دفتری حکم نامہ جاری کر دیا گیا ہے۔

دفتری حکم نامے کے مطابق 26 دسمبر کو قومی اسمبلی سیکرٹریٹ کی تمام سرگرمیاں منسوخ رہیں گی اور تمام شعبہ جات بند رہیں گے۔ یہ حکم نامہ اسپیکر قومی اسمبلی کی منظوری کے بعد جاری کیا گیا۔

ترجمان کے مطابق قومی اسمبلی سیکرٹریٹ میں منعقد ہونے والے قائمہ کمیٹیوں کے اجلاسوں سمیت تمام سرکاری سرگرمیاں مؤخر کر دی گئی ہیں، جنہیں نئی تاریخوں کے مطابق دوبارہ شیڈول کیا جائے گا۔ افسران اور عملے کو دفتری حکم نامے پر مکمل عملدرآمد کی ہدایت بھی جاری کر دی گئی ہے۔