مری: سکول وین آتشزدگی میں ایک اور طالب علم جاں بحق، ہلاکتیں دو ہوگئیں

مری میں اسکول وین میں آتشزدگی کے دلخراش حادثے میں زخمی ہونے والا ایک اور معصوم طالب علم ارحم کلیم عباسی راولپنڈی کے ہولی فیملی اسپتال میں دورانِ علاج جاں بحق ہو گیا ہے، جس کے بعد اس حادثے میں جاں بحق ہونے والے بچوں کی تعداد دو ہو گئی ہے۔ یاد رہے کہ بدھ کے روز ارحم کی سگی بڑی بہن عائشہ کلیم عباسی بھی اسی حادثے میں زخموں کی تاب نہ لاتے ہوئے دم توڑ گئی تھی، جبکہ دونوں بہن بھائی اس حادثے میں جاں بحق ہو چکے ہیں۔ اس المناک واقعے میں وین میں آگ لگنے سے 11 طلباء جھلس کر زخمی ہوئے تھے، جن میں ارحم اور عائشہ کا ایک اور بھائی عبداللہ بھی شامل تھا جو اب خطرے سے باہر ہے اور اسپتال سے ڈسچارج ہو چکا ہے۔