ایرانی سکول پر حملے کے ہم ہی ذمہ دار ہیں: امریکی جنرل ڈیوڈ پیٹریاس

امریکہ کے سابق سی آئی اے ڈائریکٹر اور یو ایس سینٹرل کمانڈ کے کمانڈر جنرل ڈیوڈ پیٹریاس نے ایران کے جنوبی علاقے میناب میں ایک سکول پر ہونے والے حملے کے حوالے سے کہا ہے کہ ممکنہ طور پر اس حملے میں امریکہ کا کردار ہو سکتا ہے۔

ایرانی حکام کے مطابق جنگ کے پہلے دن اس سکول پر حملے میں 168 افراد شہید ہوئے تھے۔ برطانوی نشریاتی ادارے کو دیے گئے انٹرویو میں جنرل پیٹریاس نے کہا کہ اگرچہ انہوں نے براہِ راست شواہد نہیں دیکھے، لیکن افسوسناک طور پر شاید ہم ہی ذمہ دار تھے، کیونکہ اس مشق میں استعمال ہونے والا ٹوماہاک میزائل صرف امریکی پاس تھا۔

واضح رہے کہ ایرانی حکام نے اس حملے کا الزام امریکا اور اسرائیل پر عائد کیا تھا، تاہم دونوں ممالک نے تاحال ذمہ داری قبول نہیں کی، بلکہ سابق صدر ڈونلڈ ٹرمپ نے ایران پر اس حملے کا الزام عائد کیا تھا۔

جنرل پیٹریاس نے مزید کہا کہ جس عمارت پر حملہ ہوا، وہ برسوں پہلے ایرانی بحریہ کے ایک بڑے کمپاؤنڈ کا حصہ تھی اور ممکن ہے کہ اس وقت کا کچھ پرانا ڈیٹا استعمال ہو گیا ہو۔