سہیل آفریدی اور شہر ناز عمر ایوب کے خلاف ضابطہ اخلاق کیس 13 جنوری تک ملتوی

وزیر اعلیٰ خیبر پختونخوا سہیل آفریدی اور شہر ناز عمر ایوب کے خلاف ضابطہ اخلاق کی خلاف ورزی کے کیس کی سماعت چیف الیکشن کمشنر سکندر سلطان راجہ کی سربراہی میں پانچ رکنی بینچ نے کی۔

الیکشن کمیشن نے وزیر اعلیٰ سہیل آفریدی کو حاضری سے استثنیٰ دے رکھا ہے۔ سہیل آفریدی کے وکیل علی بخاری اور ایڈووکیٹ جنرل کے پی کے الیکشن کمیشن میں پیش ہوئے۔ علی بخاری نے تحریری جواب جمع کرواتے ہوئے کیس کے ناقابل سماعت ہونے سے متعلق درخواست بھی پیش کی، تاہم اس درخواست پر وزیر اعلیٰ کے دستخط موجود نہیں تھے۔حکام نے علی بخاری کو درخواست دوبارہ جمع کروانے کی ہدایت کی اور آئندہ سماعت سے قبل پاور آف اٹارنی جمع کروانے کی ہدایت بھی دی۔ الیکشن کمیشن نے سماعت 13 جنوری تک ملتوی کر دی ہے۔