مارشل آرٹس کے ماہر روبوٹس کی ویڈیو سوشل میڈیا پر وائرل

چین کی ایک کمپنی نے ایسے انسان نما روبوٹ تیار کیے ہیں جو مارشل آرٹس میں ماہر ہیں اور کنگفو کی مشقیں بخوبی انجام دیتے ہیں۔

کمپنی کی جانب سے جاری کی گئی ویڈیو میں یہ روبوٹ شاؤلین ٹیمپ میں کنگفو کی مشقیں کرتے ہوئے نظر آ رہے ہیں، جہاں انہوں نے مکمل ہم آہنگی اور درستگی کے ساتھ تکنیک کا مظاہرہ کیا۔

یہ روبوٹس آرٹیفیشل انٹیلی جنس (AI) ٹیکنالوجی سے لیس ہیں، جس کی بدولت وہ توازن، رفتار، سیکھنے، منصوبہ بندی کرنے اور مختلف ٹاسک انجام دینے کی صلاحیت رکھتے ہیں۔ کمپنی نے ان روبوٹس کو Lingshi X2 کا نام دیا ہے، اور یہ Go To 1 AI ماڈل سے لیس ہیں۔

ویڈیو فروری کے ابتدائی عشرے میں منظر عام پر آئی اور سوشل میڈیا پر وائرل ہو گئی۔ یہ پہلا موقع نہیں کہ چین میں روبوٹکس میں ایسے حیرت انگیز مظاہرے دیکھنے کو ملے ہوں؛ مارچ 2025 میں ایک کمپنی نے ایسے روبوٹ متعارف کرائے تھے جو انسانوں کی طرح سائیکل چلا سکتے تھے، اور مئی 2025 میں روبوٹ کی جانب سے جمناسٹک مظاہرہ بھی پیش کیا گیا تھا۔

ایگی بوٹ کمپنی کے اس اقدام سے واضح ہوتا ہے کہ چین روبوٹس اور AI ٹیکنالوجی میں تیزی سے آگے بڑھ رہا ہے، اور انسان نما روبوٹ روزمرہ اور مہارت والے کاموں میں بھی شامل ہونے لگے ہیں۔