برازیل میں جیب میں رکھے موبائل فون پھٹنے سے شہری بچ گیا

برازیل کی ریاست پرانا کے شہر کاسکاویل میں ایک معجزاتی واقعہ پیش آیا ہے جہاں ایک شخص کی جان اس کے موبائل فون نے بچا لی، مگر ذرا منفرد انداز میں۔ کار مکینک رینالڈو پر جب دو خونخوار کتوں نے حملہ کیا، تو ایک کتے نے اس کی جیب میں موجود موبائل فون کو دانتوں سے دبوچ لیا۔ اسی لمحے فون کی بیٹری زوردار دھماکے سے پھٹ گئی، جس کی آواز اور آگ سے گھبرا کر کتے فوراً بھاگ کھڑے ہوئے۔ اگرچہ رینالڈو کی ٹانگ جھلس گئی، لیکن وہ کتوں کے مہلک حملے سے محفوظ رہا۔