اے آئی کی غلطی، عمر رسیدہ خاتون کو 6 ماہ جیل میں گزارنے پڑ گئے

ٹینیسی/شمالی ڈکوٹا: ٹیکنالوجی پر اندھا دھند بھروسہ کس قدر خطرناک ہو سکتا ہے، اس کی زندہ مثال اینجلا لپس کا کیس ہے۔ 14 جولائی 2025 کو پولیس نے اینجلا کو ان کے گھر سے اس وقت گرفتار کیا جب وہ بچوں کی دیکھ بھال کر رہی تھیں۔ ان پر الزام تھا کہ وہ شمالی ڈکوٹا میں ایک بینک فراڈ کیس میں مفرور ہیں، جبکہ حقیقت یہ تھی کہ انہوں نے اپنی پوری زندگی میں کبھی شمالی ڈکوٹا کا سفر تک نہیں کیا تھا۔

تحقیقات کے مطابق، پولیس نے بینک فراڈ کی مشتبہ خاتون کی شناخت کے لیے ایک اے آئی سافٹ ویئر استعمال کیا، جس نے اینجلا کے چہرے کو غلطی سے مشتبہ خاتون قرار دے دیا۔ پولیس نے انسانی تفتیش کے بجائے صرف سافٹ ویئر کی رپورٹ پر بھروسہ کرتے ہوئے انہیں گرفتار کر لیا۔ اینجلا کو 3 ماہ ٹینیسی اور پھر 3 ماہ شمالی ڈکوٹا کی جیل میں رکھا گیا۔ دسمبر 2025 میں عدالت نے انہیں اس وقت رہا کیا جب بینک ریکارڈز سے ثابت ہوا کہ جرم کے وقت وہ جائے وقوعہ سے 1200 میل دور تھیں۔