آدیزئی پولیس چوکی پر فائرنگ، پولیس کی جوابی کارروائی سے حملہ پسپا

پشاور کے مضافاتی علاقے متنی میں واقع آدیزئی پولیس چوکی پر نامعلوم دہشت گردوں نے فائرنگ کی، تاہم پولیس کی مؤثر جوابی کارروائی سے حملہ ناکام بنا دیا گیا۔

پولیس ذرائع کے مطابق دہشت گردوں نے خیبر کے دور مقام قبرستان سے ایس ایم جی رائفل کے ذریعے حملہ کیا۔ فائرنگ کا تبادلہ مسلسل سات سے آٹھ منٹ تک جاری رہا، جس کے بعد حملہ آور موقع سے فرار ہو گئے۔

واقعے میں کسی جانی نقصان کی اطلاع نہیں ملی جبکہ علاقے میں سرچ آپریشن اور سیکیورٹی مزید سخت کر دی گئی ہے۔