امریکا کی مشرق وسطیٰ میں اپنے شہریوں کو انخلا کیلئے تیار رہنے کی ہدایت

امریکہ نے مشرقِ وسطیٰ میں متوقع کشیدگی اور غیر یقینی سیکیورٹی صورتحال کے پیش نظر کویت، مصر، بحرین، سعودی عرب، قطر، اردن اور متحدہ عرب امارات میں موجود اپنے تمام شہریوں کو خطے سے نکلنے پر غور کرنے یا فوری انخلاء کے لیے تیار رہنے کی ہدایت جاری کی ہے۔ امریکی سفارت خانوں کی جانب سے جاری کردہ الرٹ میں شہریوں کو انتہائی احتیاط برتنے اور ہائی الرٹ رہنے کی تاکید کی گئی ہے۔ ہدایت نامے میں واضح کیا گیا ہے کہ متعدد ایئر لائنز نے اپنے پروازوں کے شیڈول منسوخ یا معطل کر دیے ہیں، جس کے باعث فضائی حدود کی عارضی بندش اور پروازوں کی منسوخی کے امکانات موجود ہیں؛ لہٰذا امریکی شہری کشیدگی مزید بڑھنے سے قبل متبادل انتظامات مکمل رکھیں۔