امن منصوبے پر مثبت پیش رفت: 1967 کی سرحدوں کے مطابق آزاد فلسطینی ریاست قائم کی جائے: دفتر خارجہ

ترجمان دفتر خارجہ نے غزہ امن منصوبے اور ‘بورڈ آف پیس’ کے تحت ہونے والی مثبت پیش رفت کا پرجوش خیرمقدم کرتے ہوئے امریکہ، مصر، قطر اور ترکیہ کی ثالثی کاوشوں کو قابلِ تحسین قرار دیا ہے۔ دفتر خارجہ کے مطابق پاکستان کو امید ہے کہ عالمی برادری کی مشترکہ کوششوں سے یہ امن منصوبہ دیرپا اور نتیجہ خیز ثابت ہوگا۔ ترجمان نے اعادہ کیا کہ فلسطینی عوام کا حقِ خودارادیت ناقابلِ تنسیخ ہے اور مسئلے کا حتمی حل اقوام متحدہ کی قراردادوں اور بین الاقوامی قوانین کے مطابق ہونا ضروری ہے۔ پاکستان نے اپنے بنیادی موقف کا اعادہ کرتے ہوئے 1967 کی سرحدوں کے مطابق، القدس الشریف (یروشلم) کو دارالحکومت بناتے ہوئے ایک آزاد، خودمختار اور قابلِ عمل فلسطینی ریاست کے قیام کا مطالبہ دہرایا ہے۔