عرفان صادق تارڑ پراسکیوٹر جنرل پنجاب تعینات

پنجاب حکومت نے معروف قانون دان اور پنجاب بار کونسل کے سابق وائس چیئرمین عرفان صادق تارڑ کو 03 سال کی مدت کے لیے پراسکیوٹر جنرل پنجاب تعینات کر دیا ہے۔ وزارتِ قانون و انصاف نے ان کی تقرری کا باقاعدہ نوٹیفکیشن جاری کر دیا ہے۔ واضح رہے کہ یہ عہدہ سابق پراسکیوٹر جنرل سید فرہاد علی شاہ کے لاہور ہائیکورٹ میں بطور جج نامزدگی اور استعفے کے بعد خالی ہوا تھا، جسے حکومتِ پنجاب نے منظور کر لیا تھا۔ عرفان صادق تارڑ قانون کے شعبے میں وسیع تجربہ رکھتے ہیں اور اس سے قبل بھی وکلاء برادری میں اہم عہدوں پر اپنی خدمات انجام دے چکے ہیں۔