سندھ میں نئے صوبے کی ضرورت نہیں، یہ پنجاب کی عوام کا مطالبہ ہے، سعید غنی

پاکستان پیپلز پارٹی کے سینئر رہنما اور صوبائی وزیر سعید غنی نے سندھ میں نئے صوبے کی تشکیل کو مکمل طور پر مسترد کرتے ہوئے کہا ہے کہ سندھ کے عوام کی اکثریت مزید صوبے نہیں چاہتی، جبکہ یہ مطالبہ بنیادی طور پر پنجاب کے عوام کا ہے۔ کراچی میں پریس کانفرنس کرتے ہوئے انہوں نے وضاحت کی کہ آئین کے تحت نئے صوبے کے قیام کے لیے متعلقہ صوبائی اسمبلی کی دو تہائی اکثریت کی منظوری ضروری ہوتی ہے، اور پنجاب میں بیٹھ کر سندھ کے مستقبل کا فیصلہ نہیں کیا جا سکتا۔ محسن نقوی کے حالیہ بیان کو ان کی ذاتی رائے قرار دیتے ہوئے سعید غنی نے کراچی کے واٹر بحران پر بھی بات کی اور کہا کہ پانی کے ٹینکرز کو اچانک بند کرنا زمینی حقائق سے لاعلمی ہے، کیونکہ شہر کو 100 کلومیٹر دور سے پانی فراہم کیا جاتا ہے۔ اس کے علاوہ انہوں نے مسلم لیگ (ن) پر سخت تنقید کرتے ہوئے الزام لگایا کہ مسلم لیگ (ن) 2024 کے عام انتخابات، گلگت بلتستان اور آزاد کشمیر میں دھاندلی اور فارم 47 کے سہارے اقتدار میں آئی، جبکہ پیپلز پارٹی عوامی ووٹوں کی طاقت سے ایوان میں پہنچی ہے۔