افواجِ پاکستان اور پیپلز لبریشن آرمی حقیقی شراکت دار، امن و استحکام کیلئے پرعزم ہیں: فیلڈ مارشل

جی ایچ کیو راولپنڈی میں چین کی پیپلز لبریشن آرمی (پی ایل اے) کے قیام کی 99ویں سالگرہ کی پروقار تقریب منعقد ہوئی۔ چیف آف ڈیفنس فورسز فیلڈ مارشل سید عاصم منیر نے تقریب کی میزبانی کی اور چینی سفر جیانگ زائی ڈونگ بطور مہمانِ خصوصی شریک ہوئے۔

فیلڈ مارشل سید عاصم منیر نے پی ایل اے کی عالمی امن و دفاع میں خدمات کو سراہتے ہوئے کہا کہ پاک چین دوستی بدلتے ہوئے علاقائی و عالمی حالات کے باوجود ہمیشہ مضبوط رہی ہے۔ انہوں نے اس عزم کا اعادہ کیا کہ پاکستان کی مسلح افواج اور پیپلز لبریشن آرمی حقیقی شراکت دار ہیں اور ان کا رشتہ باہمی اعتماد، غیر متزلزل تعاون اور مشترکہ سٹریٹجک

مفادات پر قائم ہے۔ اس موقع پر چینی سفیر نے پاکستان کی مسلح افواج کی دہشت گردی کے خلاف قربانیوں کا اعتراف کرتے ہوئے ہر موسم کی سٹریٹجک شراکت داری کو مزید مضبوط بنانے کے پختہ عزم کا اظہار کیا۔