شمالی وزیرستان: سکیورٹی فورسز کے آپریشن میں 5 دہشت گرد ہلاک، میجر شہید

شمالی وزیرستان کے علاقے رزمک میں سیکیورٹی فورسز نے دہشت گردوں کی موجودگی کی خفیہ اور مصدقہ اطلاعات پر انٹیلی جنس بیسڈ آپریشن کرتے ہوئے 05 دہشت گردوں کو ہلاک کر دیا۔ پاک فوج کے شعبہ تعلقات عامہ (ISPR) کے مطابق کارروائی کے دوران سیکیورٹی فورسز نے دہشت گردوں کے ٹھکانوں کو مؤثر انداز میں نشانہ بنایا۔ تاہم، فائرنگ کے شدید تبادلے کے دوران ضلع میانوالی سے تعلق رکھنے والے 34 سالہ میجر حافظ احسان الٰہی جوانوں کی قیادت کرتے ہوئے بہادری سے لڑے اور جامِ شہادت نوش کر گئے۔ ISPR کا کہنا ہے کہ علاقے کو پاک کرنے اور آخری دہشت گرد کے خاتمے تک کلیئرنس آپریشن جاری رہے گا۔