مذاکرات یا تحریک کا فیصلہ اچکزئی، علامہ ناصر کریں گے: سہیل آفریدی

وزیراعلیٰ خیبرپختونخوا محمد سہیل آفریدی نے کہا ہے کہ بانی پاکستان تحریکِ انصاف (پی ٹی آئی) نے تمام اختیارات محمود خان اچکزئی اور علامہ ناصر عباس کو دے دیے ہیں اور حکومت سے مذاکرات یا تحریک کا فیصلہ یہی لوگ کریں گے۔

جمرود کے دورے کے دوران میڈیا سے گفتگو کرتے ہوئے وزیرِ اعلیٰ نے بتایا کہ بانی پی ٹی آئی کی دوسری ہدایات سٹریٹ موومنٹ سے متعلق ہیں، اور اس حوالے سے تیاریاں مکمل کر لی گئی ہیں۔ انہوں نے کہا کہ سٹریٹ موومنٹ کی مہم کامیاب بنا کر دیکھی جائے گی۔

وزیراعلیٰ نے ضم اضلاع کی ترقی کے حوالے سے بھی کہا کہ ایک ہزار ارب روپے کے ترقیاتی پیکیج کا اعلان پہلے ہی کر چکے ہیں۔