LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
ربیعہ احسن قتل کیس میں اہم پیشرفت، اہل خانہ نے ملزم کو معاف کر دیا ڈیفنس میں 11 سالہ گھریلو ملازم پر تشدد، گرم چائے کی پتیلی الٹ دی گئی روہنگیا میں مسلمانوں کو قتل عام اور جنسی تشدد کا نشانہ بنایا گیا،عالمی عدالت انصاف سٹاک مارکیٹ میں تیزی، کاروبار کا مثبت رجحان رہا جے یو آئی رہنماؤں کے خلاف مقدمہ، مفتی ابرار احمد کو وارنٹ کی تعمیل کروا دی عالمی و مقامی سطح پر سونے چاندی کی قیمتوں میں کمی امریکی، چینی اور روسی صدور کی چین میں تاریخی ملاقات، سرد جنگ کی ذہنیت ترک کرنے پر زور جنگ کے طریقے تبدیل، مسلح افواج جدید تقاضوں کے مطابق تیار ہیں: نیول چیف کوئٹہ: مسافر کوچ اور ایل پی جی باؤزر میں تصادم، خاتون اور بچے سمیت 10 افراد جاں بحق پارٹی کیخلاف ہتک آمیز بیانات، مرکزی مسلم لیگ کا عظمیٰ بخاری کو ہرجانے کا نوٹس مریم نواز نے سی ایم سولر پینل سکیم فیز ٹو کی منظوری دے دی شمالی وزیرستان میں فورسز کا کامیاب سرچ آپریشن، بارودی مواد کا بڑا ٹھکانہ تباہ عدالت کا 15 روز میں نادرا ای بیلٹنگ کا عمل مکمل کرنے کا حکم ایشیا پیسیفک کی ترقی کیلئے آزاد تجارت اور معاشی انضمام ضروری ہے: چینی صدر چترال: پاک فوج اور فرنٹیئر کور کے زیر اہتمام فری میڈیکل کیمپ کا انعقاد

دوسرے ٹیسٹ کا تیسرا روز ختم، سری لنکا کی 82 رنز کی برتری، 9 وکٹیں گر گئیں

Web Desk

19 November 2026

راولپنڈی کرکٹ اسٹیڈیم میں کھیلے جا رہے دوسرے ٹیسٹ میچ کے تیسرے روز کھیل کے اختتام پر سری لنکا نے اپنی دوسری اننگز میں 9 وکٹوں کے نقصان پر 309 رنز بنا لیے ہیں، جس کے بعد مہمان ٹیم کو پاکستان کے خلاف مجموعی طور پر 82 رنز کی برتری حاصل ہو گئی ہے۔

تیسرے روز کے اختتام پر سری لنکا کی جانب سے ملان رتھنائیکے 60 رنز اور اسیتھا فرنینڈو 2 رنز کے ساتھ کریز پر موجود ہیں۔

اس سے قبل تیسرے روز سری لنکن ٹیم نے 74 رنز 3 کھلاڑی آؤٹ سے اپنی نامکمل اننگز کا آغاز کیا تو 99 کے مجموعی اسکور پر دھننجیا ڈی سلوا 37 رنز بنا کر پویلین لوٹ گئے۔ بعد ازاں 134 کے مجموعی اسکور پر پاسندو سوریا بندارا غیر ضروری شاٹ کھیلنے کی کوشش میں 38 رنز بنا کر آؤٹ ہوئے، جبکہ کھانے کے وقفے تک سری لنکا نے 5 وکٹوں کے نقصان پر 167 رنز بنائے تھے۔

پاکستان کی جانب سے رضا اللہ اور عامر جمال نے عمدہ بولنگ کرتے ہوئے 2، 2 وکٹیں حاصل کیں جبکہ ثاقب خان کے حصے میں ایک وکٹ آئی۔

واضح رہے کہ پاکستان کی پوری ٹیم سری لنکا کے پہلی اننگز کے 98 رنز کے جواب میں 325 رنز بنا کر آؤٹ ہو گئی تھی، جس کے نتیجے میں قومی ٹیم کو پہلی اننگز میں 227 رنز کی بھاری برتری حاصل ہوئی تھی۔ پاکستان کی جانب سے غازی غوری 54، اذان اویس 47، طیب عارف 46 اور رضا اللہ 42 رنز بنا کر نمایاں بلے باز رہے تھے، جبکہ سری لنکا کی جانب سے لاہیرو کمارا نے 5، اسیتھا فرنانڈو نے 3 اور ملان رتھنائیکے اور پرباتھ جے سوریا نے ایک، ایک وکٹ حاصل کی تھی۔