راولپنڈی ٹیسٹ کا تیسرا روز: قومی ٹیم کی میچ پر گرفت مضبوط
Web Desk
19 November 2026
راولپنڈی کرکٹ اسٹیڈیم میں کھیلے جا رہے دوسرے ٹیسٹ میچ کے تیسرے روز پاکستان کی گرفت مزید مضبوط ہو گئی ہے، جہاں سری لنکا نے اپنی دوسری اننگز میں کھانے کے وقفے تک 5 وکٹوں کے نقصان پر 167 رنز بنا لیے ہیں۔
تیسرے روز سری لنکن ٹیم نے 74 رنز 3 کھلاڑی آؤٹ سے اپنی نامکمل اننگز کا آغاز کیا تو 99 کے مجموعی اسکور پر دھننجیا ڈی سلوا 37 رنز بنا کر پویلین لوٹ گئے۔ بعد ازاں 134 کے مجموعی اسکور پر پاسندو سوریا بندارا غیر ضروری شاٹ کھیلنے کی کوشش میں 38 رنز بنا کر آؤٹ ہو گئے۔ کھانے کے وقفے تک سری لنکا نے 5 وکٹوں کے نقصان پر 167 رنز بنا لیے ہیں اور اسے اننگز کی شکست سے بچنے کے لیے مزید 60 رنز درکار ہیں۔
پاکستان کی جانب سے رضا اللہ اور عامر جمال نے عمدہ بولنگ کرتے ہوئے 2، 2 وکٹیں حاصل کیں جبکہ ثاقب خان کے حصے میں ایک وکٹ آئی۔
اس سے قبل پاکستان کی پوری ٹیم سری لنکا کے پہلی اننگز کے 98 رنز کے جواب میں 325 رنز بنا کر آؤٹ ہو گئی تھی، تاہم قومی ٹیم کو پہلی اننگز میں 227 رنز کی بھاری برتری حاصل ہوئی۔ پاکستان کی جانب سے غازی غوری 54، اذان اویس 47، طیب عارف 46 اور رضا اللہ 42 رنز بنا کر نمایاں بلے باز رہے۔ سری لنکا کی جانب سے لاہیرو کمارا نے شاندار بولنگ کرتے ہوئے 5، اسیتھا فرنانڈو نے 3 جبکہ ملن رتھنائیکے اور پرباتھ جے سوریا نے ایک، ایک وکٹ حاصل کی تھی۔
متعلقہ عنوانات
ابوظہبی فارمولا ون گرینڈ پری کی تیاریاں عروج پر، بڑے مقابلے کا آغاز 4 دسمبر سے ہوگا
19 November 2026
پی سی بی کا 19 نومبر کو راولپنڈی ٹیسٹ کیلئے فری انٹری کا اعلان
18 November 2026
سعود شکیل کا فارم میں آنا اچھی بات، بابراعظم کو صرف ایک لمبی اننگز کی ضرورت ہے، یونس خان
18 November 2026
بابر اعظم کی فارم سے متعلق بار بار سوالات سے تنگ آ چکا ہوں,ہیڈ کوچ مائیک ہیسن
18 November 2026
19ویں سندھ گیمز 13 سے 17 دسمبر تک سکھر میں ہوں گے
18 November 2026
گھاس والی پچز تیار کرنا فاسٹ بولرز کیلئے مثبت قدم ہے: عامر جمال
18 November 2026
اے سی سی ایشیا کپ رائزنگ سٹارز ٹرافی کی رونمائی کر دی گئی
18 November 2026
بھارت نے پاکستان کو شکست دے کر 10ویں بار ساف فٹبال چیمپئن شپ کا ٹائٹل جیت لیا
17 November 2026