LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
عالمی و مقامی سطح پر سونے چاندی کی قیمتوں میں کمی امریکی، چینی اور روسی صدور کی چین میں تاریخی ملاقات، سرد جنگ کی ذہنیت ترک کرنے پر زور جنگ کے طریقے تبدیل، مسلح افواج جدید تقاضوں کے مطابق تیار ہیں: نیول چیف کوئٹہ: مسافر کوچ اور ایل پی جی باؤزر میں تصادم، خاتون اور بچے سمیت 10 افراد جاں بحق پارٹی کیخلاف ہتک آمیز بیانات، مرکزی مسلم لیگ کا عظمیٰ بخاری کو ہرجانے کا نوٹس مریم نواز نے سی ایم سولر پینل سکیم فیز ٹو کی منظوری دے دی شمالی وزیرستان میں فورسز کا کامیاب سرچ آپریشن، بارودی مواد کا بڑا ٹھکانہ تباہ عدالت کا 15 روز میں نادرا ای بیلٹنگ کا عمل مکمل کرنے کا حکم ایشیا پیسیفک کی ترقی کیلئے آزاد تجارت اور معاشی انضمام ضروری ہے: چینی صدر چترال: پاک فوج اور فرنٹیئر کور کے زیر اہتمام فری میڈیکل کیمپ کا انعقاد پاکستان آسیان کےساتھ تجارت سمیت مختلف شعبوں میں تعاون کا خواہاں ہے: اسحاق ڈار نظام کی اصلاح اور قومی فیصلوں کا اختیار عوام کا ہے: طارق فضل چوہدری سندھ کے شہری علاقوں کے عوام غلام نہیں: خالد مقبول صدیقی حسینہ واجد کی واپسی کے اعلان پر بنگلہ دیش میں ہنگامے، نیم فوجی اہلکار تعینات راولاکوٹ: مسلح حملے میں شہید ڈپٹی سپرنٹنڈنٹ رینجرز کی نمازِ جنازہ ادا

مریم نواز نے سی ایم سولر پینل سکیم فیز ٹو کی منظوری دے دی

Web Desk

19 November 2026

وزیراعلیٰ پنجاب مریم نواز شریف نے ’’سی ایم سولر پینل اسکیم فیز ٹو‘‘ (CM Solar Panel Scheme Phase II) کی منظوری دیتے ہوئے فیز ٹو کے تحت سولر پینلز کی تعداد 90 ہزار سے بڑھا کر ایک لاکھ کرنے کا حکم دے دیا ہے۔

وزیراعلیٰ پنجاب مریم نواز شریف کی زیرِ صدارت خصوصی اجلاس منعقد ہوا، جس میں صوبائی وزیر فیصل کھوکھر اور سیکرٹری انرجی نے توانائی کے مختلف منصوبوں پر تفصیلی بریفنگ دی۔ اجلاس میں وزیراعلیٰ نے چولستان میں 5 ہزار سولر پینلز کے پائلٹ پراجیکٹ کی بھی منظوری دی، جبکہ چولستان کے 40 مقامات پر واٹر سپلائی اسکیموں کو شمسی توانائی (سولر انرجی) پر منتقل کرنے کی اصولی منظوری بھی دی گئی۔

مریم نواز شریف نے صوبے کے تمام بڑے سرکاری اسپتالوں کا انرجی آڈٹ کرنے کا حکم دیتے ہوئے اسپتالوں میں انرجی لوڈ کے مطابق الیکٹرک پینل لگانے کی ہدایت جاری کی۔ اجلاس میں ’’ستھرا پنجاب‘‘ کے اشتراک سے سالڈ ویسٹ سے توانائی اور بائیو فیول پراجیکٹ پر جامع پلان طلب کر لیا گیا، جبکہ 3 ہزار ٹن ویسٹ سے انرجی پیدا کرنے کے پائلٹ پراجیکٹ کی اصولی منظوری بھی دی گئی۔

بریفنگ کے دوران اینیمل ویسٹ، ایگری ویسٹ اور سالڈ ویسٹ سے بائیو انرجی اور بائیو فیول پراجیکٹس کا جائزہ لیا گیا، جبکہ ننکانہ صاحب میں دھان اور دیگر فصلوں کی باقیات سے بائیو ریفائنری پراجیکٹ پر رپورٹ پیش کی گئی۔ اس کے علاوہ پنجاب میں کمرشل اسکیل، پرائیویٹ ڈیریز اور کمیونٹی بیسڈ بائیو گیس پلانٹ پراجیکٹ کا بھی جائزہ لیا گیا۔

اجلاس کو بتایا گیا کہ سی ایم سولر پینل اسکیم فیز ون کے تحت ساڑھے تین لاکھ سے زائد درخواستیں موصول ہوئیں اور 89 ہزار 869 افراد کو سولر پینل فراہم کیے گئے، جس سے شہریوں کے بجلی کے بلوں میں ایک تہائی تک نمایاں بچت ہوئی۔ مزید بتایا گیا کہ پنجاب کے 76 اسکولوں کو پائلٹ پراجیکٹ کے طور پر سولر انرجی پر منتقل کر دیا گیا ہے، جبکہ صوبے میں 4 لاکھ 90 ہزار ٹن اینیمل ویسٹ سے 7.15 بلین کیوبک میٹر بائیو گیس پیدا کرنے کی استعداد موجود ہے، اور اینیمل، ایگری اور سالڈ ویسٹ سے مجموعی طور پر 1.6 ارب یونٹ بجلی پیدا کی جا سکتی ہے۔ انرجی ڈیپارٹمنٹ کے عوامی سروے کے مطابق شہریوں نے سولر پینل اسکیم کو سراہتے ہوئے کہا ہے کہ اس منصوبے کی بدولت بجلی کے بل تقریباً آدھے رہ گئے ہیں۔