روہنگیا میں مسلمانوں کو قتل عام اور جنسی تشدد کا نشانہ بنایا گیا،عالمی عدالت انصاف
Web Desk
19 November 2026
عالمی عدالتِ انصاف (آئی سی جے / ICJ) نے اپنے ایک اہم فیصلے میں قرار دیا ہے کہ میانمار میں روہنگیا مسلمانوں کو منظم قتلِ عام اور بڑے پیمانے پر جنسی تشدد کا نشانہ بنایا گیا ہے۔
عالمی عدالتِ انصاف کے مطابق میانمار کی سکیورٹی فورسز نے فوجی کارروائیوں کے دوران روہنگیا میں ہزاروں مسلمانوں کو بے دردی سے قتل کیا، جبکہ مسلمانوں کو بڑے پیمانے پر جنسی تشدد کا نشانہ بھی بنایا گیا۔ آئی سی جے نے قرار دیا کہ میانمار کی فورسز نے معصوم بچوں کے خلاف بھی انتہائی سنگین جرائم کا ارتکاب کیا، اور جان بچا کر بنگلا دیش فرار ہونے والے روہنگیا مسلمانوں کو بھی نشانہ بنایا گیا۔
عدالتی فیصلے میں کہا گیا ہے کہ فوجی آپریشنز کے دوران روہنگیا مردوں کو ماورائے عدالت سزائے موت دی گئی، جبکہ مختلف علاقوں میں خواتین کو شدید جنسی تشدد کا نشانہ بنایا گیا۔ عالمی عدالتِ انصاف کے مطابق روہنگیا مسلمانوں کے گھروں اور بستیوں کو جان بوجھ کر نذرِ آتش کیا گیا۔
واضح رہے کہ 2017ء میں میانمار کی فوج کی جانب سے کی جانے والی خونریز کارروائیوں اور مظالم کے نتیجے میں 7 لاکھ 30 ہزار سے زائد روہنگیا مسلمان اپنا گھر بار چھوڑ کر بنگلا دیش نقل مکانی کرنے پر مجبور ہوئے تھے۔
متعلقہ عنوانات
ربیعہ احسن قتل کیس میں اہم پیشرفت، اہل خانہ نے ملزم کو معاف کر دیا
19 November 2026
ڈیفنس میں 11 سالہ گھریلو ملازم پر تشدد، گرم چائے کی پتیلی الٹ دی گئی
19 November 2026
سٹاک مارکیٹ میں تیزی، کاروبار کا مثبت رجحان رہا
19 November 2026
جے یو آئی رہنماؤں کے خلاف مقدمہ، مفتی ابرار احمد کو وارنٹ کی تعمیل کروا دی
19 November 2026
عالمی و مقامی سطح پر سونے چاندی کی قیمتوں میں کمی
19 November 2026
امریکی، چینی اور روسی صدور کی چین میں تاریخی ملاقات، سرد جنگ کی ذہنیت ترک کرنے پر زور
19 November 2026
جنگ کے طریقے تبدیل، مسلح افواج جدید تقاضوں کے مطابق تیار ہیں: نیول چیف
19 November 2026
کوئٹہ: مسافر کوچ اور ایل پی جی باؤزر میں تصادم، خاتون اور بچے سمیت 10 افراد جاں بحق
19 November 2026