اداکارہ سارہ خان نے دوسری بیٹی کا چہرہ پہلی بار دنیا کو دکھا دیا

پاکستانی شوبز انڈسٹری کی معروف اداکارہ سارہ خان نے اپنی دوسری بیٹی ‘رانیہ فلک’ کا چہرہ پہلی بار مداحوں کے سامنے پیش کر دیا ہے۔ ایک نجی ٹی وی شو میں شرکت کے دوران اداکارہ نے اپنی نجی زندگی اور بچوں سے متعلق گفتگو کرتے ہوئے تصدیق کی کہ وہ پہلی مرتبہ اپنی بیٹی کا چہرہ دنیا کے سامنے لا رہی ہیں، جس کے بعد ان کی بیٹی کی جھلک سوشل میڈیا اور مداحوں کی توجہ کا مرکز بن گئی۔ واضح رہے کہ سارہ خان اور معروف گلوکار فلک شبیر 2020 میں رشتہ ازدواج میں منسلک ہوئے تھے اور اس مقبول شوبز جوڑی کی دو بیٹیاں الیانہ فلک اور رانیہ فلک ہیں۔