امریکی مڈٹرم انتخابات کے اثرات: سٹاک مارکیٹ میں 4500 سے زائد پوائنٹس کا اضافہ

امریکی وسط مدتی انتخابات کے نتائج کے مثبت اثرات پاکستان اسٹاک ایکسچینج پر بھی مرتب ہوئے ہیں، جہاں کاروباری ہفتے کے چوتھے روز کے آغاز پر ہی 100 انڈیکس میں 4500 سے زائد پوائنٹس کا زبردست اضافہ دیکھا گیا، جس کے نتیجے میں انڈیکس 1 لاکھ 76 ہزار 604 پوائنٹس کی تاریخی سطح پر پہنچ گیا۔ گزشتہ کاروباری دن کے اختتام پر انڈیکس 3994 پوائنٹس کے اضافے سے 1 لاکھ 72 ہزار 13 پوائنٹس پر بند ہوا تھا۔ دوسری جانب، ایشیائی اسٹاک مارکیٹوں میں ملا جلا رجحان رہا؛ جہاں ہانگ کانگ کے ہینگ سینگ انڈیکس میں 3 فیصد اور چین کے شینزن انڈیکس میں 1 فیصد کی تیزی ریکارڈ کی گئی، وہاں جنوبی کوریا کے کوسپی انڈیکس میں 5 فیصد، تائیوان کے ایس ای میں 3 فیصد اور جاپان کے نکئی انڈیکس میں 1.49 فیصد کی مندی دیکھی گئی۔