اسلام آباد میں اپوزیشن کا مشترکہ محاذ: آل پارٹیز کانفرنس کے انعقاد اور کمیٹیاں بنانے کا اعلان، بانی پی ٹی آئی کی صحت پر تشویش
Web Desk
5 November 2026
اسلام آباد میں اپوزیشن جماعتوں کے اہم رہنماؤں نے مشترکہ پریس کانفرنس کرتے ہوئے ملک کی موجودہ سیاسی صورتحال پر شدید تحفظات کا اظہار کیا ہے اور آل پارٹیز کانفرنس (APC) کے انعقاد سمیت اپوزیشن اتحاد کو مضبوط بنانے کے لیے مشترکہ کمیٹیاں قائم کرنے کا اعلان کیا ہے۔
جمعیت علمائے اسلام (ف) کے سربراہ مولانا فضل الرحمٰن نے گفتگو کرتے ہوئے کہا کہ اپوزیشن میں باہمی اختلافات کو دور کرنے اور پارلیمنٹ کے اندر و باہر مشترکہ حکمتِ عملی اپنانے کے لیے کمیٹیاں تشکیل دے دی گئی ہیں۔ انہوں نے وفاقی حکومت کی پالیسیوں پر شدید تنقید کرتے ہوئے الزام عائد کیا کہ گوادر، سندھ کے جزائر اور ساحلی پٹی کو وفاق کے ماتحت لانے کی کوششیں کی جا رہی ہیں۔ فاٹا انضمام کے حوالے سے ان کا کہنا تھا کہ جے یو آئی نے شروع دن سے اس کی مخالفت کی تھی اور اب اس خطے کے وسائل کے نام پر کھیل کھیلا جا رہا ہے۔ انہوں نے ملک کے ہر کونے اور آئینی حقوق کی حفاظت کے عزم کا اعادہ کیا۔
پریس کانفرنس کے دوران پاکستان تحریکِ انصاف (PTI) کے مرکزی رہنما سلمان اکرم راجہ اور مجلس وحدتِ مسلمین (MWM) کے سربراہ علامہ ناصر عباس نے بانی پی ٹی آئی کی صحت سے متعلق شدید تشویش کا اظہار کیا۔ انہوں نے کہا کہ بانی پی ٹی آئی کی جان کو خطرات لاحق ہیں اور ان کا بلڈ پریشر مسلسل غیر متوازن ہے، جس کی تمام تر ذمہ داری موجودہ حکومت پر عاید ہوتی ہے۔ اپوزیشن رہنماؤں نے اعلان کیا کہ مجوزہ آل پارٹیز کانفرنس ملک میں آئین کی بالادستی کے لیے تمام سیاسی قوتوں کو ایک پلیٹ فارم پر اکٹھا کرنے کی طرف پہلا اہم قدم ہوگی۔
متعلقہ عنوانات
امریکا، ایران کشیدگی میں کمی کی امید، خام تیل کی قیمتیں دو ماہ کی کم ترین سطح پر آگئیں
10 November 2026
امریکی صدر ڈونلڈ ٹرمپ کی مقبولیت کم ترین سطح کے قریب برقرار
10 November 2026
روسی افواج کو بھاری نقصانات امن مذاکرات میں کیف کی پوزیشن مضبوط بنا رہے: صدر زیلنسکی
10 November 2026
ترکیہ: سٹیل فیکٹری میں دھماکے، 16 افراد جاں بحق، 13 زخمی
10 November 2026
امریکی وزیر دفاع پیٹ ہیگسیتھ نے مواخذے کی کوششیں مسترد کر دیں
10 November 2026
ایرانی سپریم لیڈر کی امریکا کیساتھ ’’نہ جنگ، نہ امن‘‘ کی صورتحال ختم کرنے کی ہدایت
10 November 2026
اسرائیل امریکا کو ایران کیساتھ طویل جنگ میں شامل کرنے کی کوشش کر رہا: باقر قالیباف
10 November 2026
ایران کیساتھ جنگ عملی طور پر ختم ہوچکی، امریکی بحری ناکہ بندی سے مطمئن ہوں: صدر ٹرمپ
10 November 2026