گورنر راج: الیکشن کمیشن نے خیبرپختونخوا میں بلدیاتی انتخابات مؤخر کر دیئے

الیکشن کمیشن آف پاکستان نے خیبرپختونخوا میں گورنر راج، ایمرجنسی کے نفاذ اور آئین کے آرٹیکل 140-A کی معطلی کے باعث صوبے بھر میں بلدیاتی انتخابات تا حکم ثانی مؤخر کر دیے ہیں۔ چیف الیکشن کمشنر سکندر سلطان راجہ کی صدارت میں ہونے والے اجلاس میں وفاقی حکومت کے 4 نومبر 2026 کے آرڈر نمبر 3 کا جائزہ لیا گیا، جس کی شق نمبر 2 کے تحت مقامی حکومتوں کے قیام سے متعلق آئینی آرٹیکل 140-A کو معطل کر دیا گیا ہے۔ الیکشن کمیشن کے ترجمان کے مطابق اس آئینی معطلی کے بعد صوبے کے تمام اضلاع میں بلدیاتی انتخابات کا انعقاد قانونی طور پر ممکن نہیں رہا، جس کے باعث الیکشن کے حوالے سے اب تک کیے گئے تمام انتظامی و آئینی اقدامات روک دیے گئے ہیں