اداکار عمر شہزاد کے گھر بیٹے کی پیدائش، نام اور تصاویربھی شیئر کردیں

پاکستان شوبز انڈسٹری کے معروف اداکار و ماڈل عمر شہزاد اور ان کی اہلیہ و سوشل میڈیا انفلوئنسر شانزے لودھی کے ہاں بیٹے کی پیدائش ہوئی ہے۔

اداکار عمر شہزاد نے یہ خوشخبری اپنے مداحوں کے ساتھ سوشل میڈیا پلیٹ فارم انسٹاگرام پر شیئر کی، جہاں انہوں نے اہلیہ اور نومولود بیٹے کے ہمراہ دلکش تصاویر بھی پوسٹ کیں۔ عمر شہزاد نے اپنے مداحوں کو بتایا کہ انہوں نے اپنے نوزائیدہ بیٹے کا نام ’اسماعیل‘ رکھا ہے۔ سوشل میڈیا پر اس اعلان کے بعد شوبز انڈسٹری کی متعدد معروف شخصیات، ساتھی فنکاروں اور مداحوں کی جانب سے مبارکباد اور نیک تمناؤں کا تانتا بندھ گیا ہے۔

واضح رہے کہ اداکار عمر شہزاد نے فروری 2025ء میں سوشل میڈیا انفلوئنسر شانزے لودھی سے ایک باوقار تقریب میں شادی کی تھی، جس کی تصاویر اور ویڈیو سوشل میڈیا پر کافی وائرل ہوئی تھیں۔