سونے کی قیمت میں 3 روزہ مسلسل کمی کے بعد آج بڑا اضافہ

عالمی اور مقامی صرافہ بازار میں مسلسل تین دن کمی کے بعد سونے کی قیمتوں میں دوبارہ اضافہ دیکھنے میں آیا ہے، جس کے تحت پاکستان میں فی تولہ سونا 2400 روپے مہنگا ہو کر 4 لاکھ 12 ہزار 136 روپے کا ہو گیا ہے۔ آل پاکستان جیمز اینڈ جیولرز ایسوسی ایشن کے مطابق 10 گرام سونے کی قیمت بھی 2058 روپے کے اضافے کے ساتھ 3 لاکھ 53 ہزار 340 روپے تک پہنچ گئی ہے، جبکہ فی تولہ چاندی 100 روپے کے اضافے کے ساتھ 5 ہزار 488 روپے کی ہو گئی ہے۔ دوسری جانب عالمی مارکیٹ میں سونے کی فی اونس قیمت 24 ڈالر کے اضافے سے 3896 ڈالر ہو گئی ہے، تاہم وہ بدستور 4 ہزار ڈالر کی سطح سے نیچے برقرار ہے۔