نیتن یاہو کے دباؤ پر ٹرمپ ایران پر ایٹمی حملہ کرسکتے ہیں: امریکی صحافی کا دعویٰ

معروف امریکی صحافی ٹکر کارلسن نے دعویٰ کیا ہے کہ امریکی صدر ڈونلڈ ٹرمپ اسرائیلی وزیراعظم بن یامین نیتن یاہو کے شدید دباؤ میں آ کر ایران پر جوہری حملہ کر سکتے ہیں۔ سوشل میڈیا پلیٹ فارم ایکس (X) پر جاری بیان میں ٹکر کارلسن نے موقف اختیار کیا کہ اسرائیلی الیکشن اور سیاسی مشکلات سے بچنے کے لیے نیتن یاہو کو دوبارہ ٹرمپ اور جنگ کی ضرورت ہے، اور وہ اس مقصد کے لیے ٹرمپ انتظامیہ میں موجود اپنے قریبی ساتھیوں پر ہر ممکن دباؤ ڈال رہے ہیں۔ صحافی کے مطابق ایران کے پہاڑوں اور سرنگوں کے اندر قائم عسکری تنصیبات کو روایتی امریکی ہتھیاروں سے تباہ کرنا ممکن نہیں، جس کی وجہ سے ایٹمی حملے کا آپشن زیرِ غور لایا جا سکتا ہے۔ یہ دعویٰ ایک ایسے وقت میں سامنے آیا ہے جب امریکی صدر ڈونلڈ ٹرمپ نے حال ہی میں دعویٰ کیا تھا کہ ایران کے جوہری پروگرام کا زیادہ تر حصہ تباہ کیا جا چکا ہے اور باقی سائٹس کو ختم کرنا محض چند منٹوں کا کام ہے۔