بلدیاتی انتخابات: چیف الیکشن کمشنر نے 10 نومبر کو اہم اجلاس طلب کرلیا

چیف الیکشن کمشنر سکندر سلطان راجا نے اسلام آباد میں 20 دسمبر کو ہونے والے بلدیاتی انتخابات کی تیاریوں پر اطمینان کا اظہار کرتے ہوئے 10 نومبر کو اہم اجلاس طلب کر لیا ہے، جس میں سیکرٹری داخلہ، چیف کمشنر اور آئی جی اسلام آباد الیکشن کمیشن کو جامع سیکیورٹی پلان پر بریفنگ دیں گے۔ الیکشن کمیشن کو دی گئی پیش رفت بریفنگ میں بتایا گیا کہ بیلٹ پیپرز کی پرنٹنگ اور انتخابی سامان کی خریداری سمیت تمام انتظامی تیاری مکمل کر لی گئی ہے۔ واضح رہے کہ وفاقی دارالحکومت میں آخری بلدیاتی انتخابات 2015 میں ہوئے تھے جن کی مدت فروری 2021 میں ختم ہو گئی تھی، تاہم قانون میں ترامیم اور انتظامی تاخیر کے باعث 5 سال بعد اب پولنگ کا انعقاد ممکن ہو رہا ہے۔