ٹرمپ کا ایران کو مکمل تباہ نہ کرنے پر ناراضی کا اعتراف، ڈیموکریٹس کو ویٹو کی دھمکی

امریکی صدر ڈونلڈ ٹرمپ نے اپنے ایک انٹرویو میں دعویٰ کیا ہے کہ ایران کے ساتھ جنگ میں صرف 18 امریکی ہلاک ہوئے اور امریکہ نے عملی طور پر وہاں حکومت کی تبدیلی کا عمل مکمل کر لیا ہے۔ انہوں نے کہا کہ ایران امریکی کے ساتھ نیا معاہدہ کرنے کا خواہش مند ہے، تاہم ایران کو مکمل تباہ نہ کرنے پر کچھ لوگ ان سے ناراض ہیں۔ امریکی مڈٹرم انتخابات پر تشویش کا اظہار کرتے ہوئے ٹرمپ کا کہنا تھا کہ اگر ڈیموکریٹس نے کامیابی حاصل کی تو وہ ‘مسٹر ویٹو’ بن کر ہر قانون سازی کو روک دیں گے، جبکہ ریپبلکنز کی شکست کی صورت میں امریکہ کا مستقبل خطرے میں پڑ جائے گا۔ انہوں نے افغانستان سے امریکی افواج کے انخلا کے طریقہ کار پر بھی تنقید کرتے ہوئے اسے باعزت انداز میں مکمل کرنے کی ضرورت پر زور دیا۔