ترقی پذیر ممالک کو عالمی مالیاتی نظام میں یکساں مواقع دینا ہوں گے: مصدق ملک

وفاقی وزیر مصدق ملک نے ایس ڈی پی آئی کانفرنس سے خطاب کرتے ہوئے کہا ہے کہ موجودہ عالمی مالیاتی نظام ترقی پذیر ممالک کے مسائل حل کرنے میں ناکام ہو چکا ہے، اس لیے ایک نئے، منصفانہ اور متوازن معاشی نظام کی تشکیل ناگزیر ہو چکی ہے۔ انہوں نے زور دیا کہ عالمی بینک اور آئی ایم ایف اپنی پالیسیوں پر نظرثانی کریں تاکہ غریب اور موسمیاتی تبدیلی سے متاثرہ ممالک کو درپیش معاشی مشکلات کا ازالہ کیا جا سکے۔ مصدق ملک کا مزید کہنا تھا کہ ترقی پذیر اقوام پر قرضوں کا غیر منصفانہ بوجھ ڈالا جا رہا ہے اور عالمی مالیاتی نظام میں یکساں مواقع فراہم کیے بغیر پائیدار ترقی کے اہداف حاصل کرنا ممکن نہیں ہے۔