آبنائے ہرمز میں پاکستان آنے والے ایل این جی جہاز ’ال مایدا‘ پر حملہ، جہاز کو نقصان لیکن عملہ محفوظ

قطر سے پاکستان کے لیے ایل این جی لے کر آنے والے بحری جہاز ’ال مایدا‘ (Al Mayeda) کو آبنائے ہرمز کے قریب نامعلوم اشیاء سے نشانہ بنایا گیا ہے۔ بین الاقوامی ذرائع ابلاغ بلومبرگ اور الجزیرہ کے مطابق، مارشل آئی لینڈز کے پرچم تلے سفر کرنے والے اس ٹینکر کو یہ پیش رفت پاکستانی حکام کی جانب سے ایرانی انتظامیہ سے حاصل کردہ محفوظ راستے کی اجازت ملنے کے چند گھنٹے بعد پیش آئی۔ قطر کی گیس ٹرانسپورٹ کمپنی ‘نکلات’ نے تصدیق کی ہے کہ واقعے میں جہاز کے باڈی پارٹ کو کچھ نقصان پہنچا ہے تاہم تمام 25 اہلکار (بشمول 6 بھارتی شہری) محفوظ ہیں اور گیس کا اخراج نہیں ہوا۔ حملے کے بعد جہاز نے اپنا رخ تبدیل کر کے خلیج فارس کی جانب واپسی کا سفر شروع کر دیا ہے جبکہ حملے کی نوعیت اور ذمہ داروں کے بارے میں تحقیقات جاری ہیں۔