ارکانِ پارلیمنٹ کے فنڈز پر کمیشن لیا جاتا تھا، مولانا فضل الرحمن کو نوٹس دینا حکومتی ہلکا پن ہے: مولانا عبدالغفور حیدری

جمعیت علماء اسلام (ف) کے سیکرٹری جنرل مولانا عبدالغفور حیدری نے پارلیمنٹ ہاؤس میں میڈیا سے گفتگو کرتے ہوئے انکشاف کیا ہے کہ ماضی میں ارکانِ پارلیمنٹ کو ترقیاتی فنڈز کے حصول کے لیے سرکاری ملازمین کو 5 فیصد کمیشن دینا پڑتا تھا، جو اب یقیناً بہت بڑھ چکا ہوگا۔ انہوں نے مولانا فضل الرحمن کو نوٹس دیے جانے کی شدید مذمت کرتے ہوئے اسے حکومت کے ہلکے پن کا ثبوت قرار دیا اور کہا کہ دھمکیاں دینے کے بجائے حکومت حقائق سامنے لائے۔ محسن نقوی پر تنقید کرتے ہوئے انہوں نے کہا کہ پہلے وزیر داخلہ سے اچھے تعلقات تھے لیکن اب معلوم نہیں انہیں کیا ہو گیا ہے۔ مولانا عبدالغفور حیدری نے مزید کہا کہ ہم بغیر تنخواہ کے ملک کے لیے قربانیاں دے رہے ہیں جبکہ پاک فوج کی عزت و احترام کو یقینی بنانا ہم سب کی اجتماعی ذمہ داری ہے۔