عالمی منڈی میں خام تیل کی قیمتوں میں ایک فیصد سے زائد کمی

ایران جنگ کے خاتمے کے لیے قطر میں جاری سفارتی مذاکرات کے تیسرے روز عالمی منڈی میں خام تیل کی قیمتوں میں ایک فیصد سے زائد کمی ریکارڈ کی گئی ہے۔ خبر رساں ادارے رائٹرز کے مطابق ایشیائی مارکیٹ میں برینٹ خام تیل کی قیمت 1.51 ڈالر (1.33 فیصد) کمی کے بعد 111.92 ڈالر فی بیرل ہو گئی ہے، جبکہ امریکی خام تیل (WTI) کی قیمت بھی 1.78 ڈالر (1.71 فیصد) کی بڑی کمی کے ساتھ 102.34 ڈالر فی بیرل پر آ گئی ہے۔ معاشی ماہرین کے مطابق تہران اور دوحہ کے درمیان مسلسل تین دنوں سے جاری امن مذاکرات کے مثبت اشاریوں کی وجہ سے عالمی منڈی میں گیس و تیل کی ترسیل میں بہتری کی امید پیدا ہوئی ہے جس سے عالمی بازار میں تیل کی قیمتوں کو استحکام مل رہا ہے۔