سٹاک مارکیٹ میں اتار چڑھاؤ، ہنڈرڈ انڈیکس مثبت زون میں بند ہوا

پاکستان اسٹاک مارکیٹ میں ہفتے کے پہلے کاروباری روز شدید اتار چڑھاؤ کے بعد سیشن کا اختتام مثبت زون میں ہوا۔ روزانہ کے آغاز پر ہنڈرڈ انڈیکس میں 400 سے زائد پوائنٹس کی مندی دیکھی گئی، جس کے باعث انڈیکس کم ترین سطح 1 لاکھ 65 ہزار 939 پوائنٹس پر آ گیا تھا۔ تاہم، بعد میں سیشن کے دوران ٹریڈنگ بحال ہوئی اور خریداروں کی دلچسپی کے باعث انڈیکس میں 154 پوائنٹس کا اضافہ ریکارڈ کیا گیا۔ کاروباری دن کے اختتام پر کے ایس ای 100 انڈیکس 1 لاکھ 66 ہزار 564 پوائنٹس کی سطح پر بند ہوا، جبکہ گزشتہ ہفتے کے آخری روز انڈیکس 1 لاکھ 66 ہزار 409 پوائنٹس پر بند ہوا تھا۔