وزن کم کرنے والی ادویات کے استعمال سے غذائی اجزا کی کمی کا خدشہ

وزن کم کرنے اور ذیابیطس پر قابو پانے کے لیے دنیا بھر میں استعمال ہونے والی جی ایل پی-1 (GLP-1) ادویات کے باعث جسم میں وٹامن بی 12، پروٹین اور فائبر جیسے اہم غذائی اجزا کی شدید کمی کا خطرہ سامنے آیا ہے۔ ہارورڈ ٹی ایچ چین اسکول آف پبلک ہیلتھ اور یونیورسٹی آف کوپن ہیگن کی تحقیقاتی رپورٹ کے مطابق یہ ادویات بھوک کم کر کے وزن گھٹانے میں مدد دیتی ہیں، لیکن خوراک میں نمایاں کمی کے باعث مریضوں میں اعصابی نظام، پٹھوں کی مضبوطی اور نظامِ ہاضمہ سے متعلق پیچیدگیاں پیدا ہو سکتی ہیں۔ اوہائیو اسٹیٹ یونیورسٹی کے ماہرین نے خبردار کیا ہے کہ لاکھوں مریضوں کے اس علاج سے منسلک ہونے کے باعث ادویات کے استعمال کے ساتھ ساتھ متوازن غذا اور طبی ماہرین کے مشورے سے غذائی ضروریات کو پورا کرنا انتہائی ضروری ہو چکا ہے۔