خیبر پختونخوا میں ایم پاکس کے 4 نئے تصدیق شدہ کیسز رپورٹ

محکمہ صحت خیبرپختونخوا کی جاری کردہ تازہ ترین رپورٹ کے مطابق صوبے میں گزشتہ 72 گھنٹوں کے دوران ایم پاکس (Mpox) کے 4 نئے کیسز سامنے آنے کے بعد فعال کیسز کی تعداد 4 ہو گئی ہے۔ رپورٹ کے مطابق سال 2026 میں خیبر پختونخوا میں ایم پاکس کے مجموعی تصدیق شدہ کیسز کی تعداد 18 تک پہنچ چکی ہے، جن میں سے 13 مریض مکمل صحت یاب ہو چکے ہیں جبکہ 4 مریض اس وقت مختلف ہسپتالوں میں زیرِ علاج ہیں۔ صوبائی محکمہ صحت نے بتایا کہ 9 جنوری 2026 کو پہلا کیس سامنے آنے کے بعد سے اب تک صوبے میں ایم پاکس سے صرف ایک ہلاکت ہوئی ہے اور گزشتہ 24 گھنٹوں کے دوران کوئی نئی ہلاکت رپورٹ نہیں ہوئی ہے۔