انوشکا شرما تیسری بار ماں بننے والی ہیں

بالی ووڈ اداکارہ انوشکا شرما کے ہاں تیسرے بچے کی آمد سے متعلق سوشل میڈیا پر قیاس آرائیاں زور پکڑ گئی ہیں۔ یہ چہ مگوئیاں اس وقت شروع ہوئیں جب اداکارہ کو اپنے شوہر اور بھارتی کرکٹر ویرات کوہلی کے ساتھ ممبئی میں گلوکار کرشنا داس کے لائیو کیرتن کے دوران دیکھا گیا۔ سوشل میڈیا پر وائرل ہونے والی ویڈیوز کے بعد صارفین نے انوشکا کے ممکّنہ حمل کے حوالے سے سوالات اٹھانا شروع کر دیے، تاہم جوڑے کی جانب سے ان خبروں کی کوئی تصدیق یا تردید نہیں کی گئی ہے۔ واضح رہے کہ انوشکا اور ویرات کے ہاں پہلے بیٹی وامیکا اور بیٹا آکائے موجود ہیں۔ اداکارہ جلد ہی اپنی فلم ’چکدا ایکسپریس‘ میں سابق کرکٹر جھولن گوسوامی کا کردار ادا کرتی نظر آئیں گی۔