نیلم منیر کے ہاں بیٹے کی پیدائش، خاندانی ذرائع نے خوشخبری سنادی

پاکستان شوبز انڈسٹری کی مقبول ترین اداکارہ نیلم منیر اور ان کے شوہر محمد راشد کے ہاں بیٹے کی پیدائش ہوئی ہے۔ خاندانی ذرائع اور شوہر کے قریبی دوست احباب نے سوشل میڈیا نیٹ ورکس پر مبارکباد کے پیغامات شیئر کرتے ہوئے نومولود کی آمد کی تصدیق کی ہے۔ واضح رہے کہ نیلم منیر نے نومبر 2024ء میں دبئی میں محمد راشد سے شادی کی تھی، جس کے بعد وہ مستقل طور پر دبئی منتقل ہو گئی تھیں اور انہوں نے ڈراما انڈسٹری سے عارضی فاصلہ اختیار کر لیا تھا۔

حالیہ عرصے میں دبئی میں بعض عوامی مصروفیات کے دوران اداکارہ کا بے بی بمپ بھی دیکھا گیا تھا، تاہم انہوں نے ذاتی زندگی کو راز رکھتے ہوئے حمل کی باضابطہ تصدیق نہیں کی تھی۔ اب محمد راشد کے ایک قریبی دوست نے ٹک ٹاک پر مبارکباد پیش کرتے ہوئے بچے کی پیدائش کی خبر شیئر کی ہے۔ خبر عام ہوتے ہی سوشل میڈیا پر مداحوں اور شوبز شخصیات کی جانب سے جوڑے کو مبارکباد دینے کا سلسلہ جاری ہے، جبکہ مداح اداکارہ کی جانب سے بیٹے کی پہلی جھلک اور باضابطہ بیان کے منتظر ہیں۔