یورپی یونین کا بحیرہ احمر میں جہازوں کی حفاظت کیلئے بحری مشن مزید مضبوط بنانے کا فیصلہ

یورپی یونین (EU) نے یمن میں جاری خانہ جنگی اور حوثی جنگجوؤں کی جانب سے بحیرہ احمر و آبنائے باب المندب پر مسلسل حملوں اور قبضے کی دھمکیوں کے پیشِ نظر عالمی تجارتی جہازوں کے تحفظ کے لیے اپنا بحری مشن آپریشن “ایسپائڈز” (Aspides) مزید مضبوط کرنے کا فیصلہ کیا ہے۔ یورپی یونین کی سربراہ برائے خارجہ پالیسی کایا کلاس کے مطابق حوثیوں کی شدید کارروائیوں کی وجہ سے تجارتی بحری جہازوں کو اضافی سیکیورٹی فراہم کرنا ناگزیر ہو چکا ہے، جس کے تحت مشن میں نئے اور جدید ترین جنگی جہاز شامل کیے جا رہے ہیں۔

نوٹیفکیشن اور پالیسی بیانات کے مطابق بیلجیئم نے بحری مشن کے لیے نئے جنگی جہاز فراہم کر دیے ہیں جبکہ دو دیگر رکن ممالک بھی مزید بحری بیڑے بھیجنے پر سنجیدگی سے غور کر رہے ہیں۔ یورپی یونین کا کہنا ہے کہ آپریشن “ایسپائڈز” کی مکمل اور موثر فعالیت کے لیے کم از کم 10 جنگی جہازوں کی اشد ضرورت ہے، تاہم فی الحال مطلوبہ تعداد میسر نہیں۔ 2024ء میں تشکیل دیا گیا یہ مشن ایشیا اور یورپ کے درمیان سامان کی ترسیل کی اہم ترین شاہراہ بحیرہ احمر اور خلیجِ عدن کو حوثی حملوں سے محفوظ رکھنے کے لیے انتہائی بنیادی اہمیت کا حامل ہے۔