شان شاہد کا پاکستانی فنکاروں کے بھارت میں کام کرنے پر سوال اٹھانا درست ہے: جویریہ سعود

پاکستانی معروف اداکارہ اور پروڈیوسر جویریہ سعود نے فلم سٹار شان شاہد کے مؤقف کی تائید کرتے ہوئے کہا ہے کہ پاکستانی فنکاروں کو شہرت اور مالی فوائد کے لیے اپنی قومی اقدار اور اصولوں پر سمجھوتہ نہیں کرنا چاہیے۔ انسٹاگرام پر جاری کردہ اپنے بیان میں جویریہ سعود نے تسلیم کیا کہ بھارتی شوبز انڈسٹری کا حجم بڑا ہونے کی وجہ سے وہاں کام کرنے سے فنکاروں کو زیادہ فالوورز اور شہرت ملتی ہے، اور کیریئر کو وسعت دینے کی خواہش فطری ہے، تاہم ملک اور قومی مفاد کے معاملات سامنے آنے پر پیشہ ورانہ مواقع کو ذاتی اصولوں پر قربان نہیں کیا جانا چاہیے۔