سینئر بھارتی اداکار نانا پاٹیکر 75 برس کی عمر میں انتقال کر گئے

بھارتی اور مراٹھی سینما کے نامور اور باوقار اداکار نانا پاٹیکر 75 برس کی عمر میں انتقال کر گئے ہیں۔ بھارتی میڈیا رپورٹس کے مطابق نانا پاٹیکر کو گوا میں واقع ان کے فلیٹ میں اچانک شدید سینے میں درد کی شکایت ہوئی، جس کے بعد طبی عملے نے انہیں بے ہوشی کی حالت میں فوری طور پر ایمرجنسی میں ہسپتال منتقل کیا جہاں ڈاکٹروں نے صبح 5 بج کر 20 منٹ پر ان کی موت کی تصدیق کر دی۔

اداکار کے بیٹے ملہار پاٹیکر نے میڈیا کو بتایا کہ شدید درد کے باعث میڈیکل ٹیم کو ان کی رہائش گاہ پر بلا کر ہسپتال منتقل کیا گیا تاہم وہ جانبر نہ ہو سکے۔ 1951 میں پیدا ہونے والے اداکار کا اصل نام وشواناتھ پاٹیکر تھا اور انہوں نے 1978 میں اپنے بالی ووڈ کیریئر کا آغاز کیا۔ انہوں نے ‘پرندہ’، ‘کرانتی ویر’، ‘اگنی ساکشی’، ‘خاموشی’، ‘اب تک چھپن’ اور ‘ویلکم’ جیسے یادگار شاہکاروں میں اداکاری کے بے مثال جوہر دکھائے اور متعدد قومی ایوارڈز حاصل کیے۔