اخروٹ کھانا مزاج پر اثر انداز ہو سکتا ہے: تحقیق

ایک حالیہ طبی تحقیق میں انکشاف کیا گیا ہے کہ روزانہ اخروٹ کھانا نوجوان بالغ افراد کے مزاج اور ذہنی کیفیت پر مثبت اثرات مرتب کر سکتا ہے۔ اومیگا تھری فیٹی ایسڈز، فائبر، اور پولی فینولز سے بھرپور اخروٹ کے استعمال سے آٹھ ہفتوں کے دوران مجموعی موڈ کی خرابی میں نمایاں کمی دیکھی گئی۔ ماہرین کے مطابق تحقیق میں یہ بات سامنے آئی ہے کہ اخروٹ کے باقاعدہ استعمال سے غصے اور تھکن میں بھی کمی واقع ہوتی ہے، جو دماغی صحت اور حیاتیاتی عمل میں اس کے کردار کو ظاہر کرتی ہے۔ تاہم، اس تعلق کی مزید تصدیق کے لیے طویل المدتی اور بڑے پیمانے پر مطالعات کی ضرورت پر زور دیا گیا ہے۔