گھر سے بھاگ کر لاس ویگاس جانے والے جوڑے کی دورانِ پرواز شادی

امریکا میں گھر سے بھاگ کر لاس ویگاس میں شادی کا ارادہ رکھنے والے ایک جوڑے کی ساؤتھ ویسٹ ایئرلائنز کی پرواز کے دوران غیر متوقع اور یادگار شادی ہو گئی۔ سارہ مونتالو اور ان کے بوائے فرینڈ کے منصوبے کا علم ہوتے ہی فلائٹ کے عملے نے طیارے میں موجود 178 مسافروں کے سامنے تقریب کا انعقاد کیا، جس میں پائلٹ نے شادی کی رسومات ادا کرائیں۔ حیران کن طور پر فلائٹ اٹینڈنٹس نے ٹوائلٹ پیپر کی مدد سے دلہن کا عروسی لباس تیار کیا اور کافی کپ کی اسٹکس سے گلدستہ بنایا۔ سارہ نے فلائٹ کے عملے کا شکریہ ادا کرتے ہوئے اس موقع کو انتہائی خوش آئند اور یادگار قرار دیا۔