خاکروب کی مدد سے خاتون کو کچرے میں پھینکا 10 لاکھ یورو کا لاٹری ٹکٹ واپس مل گیا

اٹلی کے شہر بٹونٹو میں ایک انوکھا واقعہ پیش آیا جہاں ایک خاتون نے غلط فہمی کے باعث تقریباً 1 ملین یورو مالیت کا لاٹری کا ٹکٹ کچرے میں پھینک دیا، تاہم صفائی کے عملے نے دو دن کی محنت کے بعد اسے ڈھونڈ کر واپس لوٹا دیا۔ خاتون نے دکان پر ٹکٹ چیک کروایا تو ’قابلِ ادائیگی نہ ہونے‘ کا پیغام دیکھ کر اسے مسترد سمجھ بیٹھی، حالانکہ یہ پیغام بڑی انعامی رقم پر ظاہر ہوتا ہے۔ حقیقت کھلنے پر جب وہ واپس دکان پہنچی تو کچرا اٹھایا جا چکا تھا۔ صفائی کے ادارے نے خصوصی تلاش کے بعد ٹکٹ بحفاظت برآمد کر لیا، جس پر خاتون خوشی سے آبدیدہ ہو گئیں۔