بالی وڈ اداکار ارجن کپور کے ساتھ ڈیٹنگ کی افواہوں پر اداکارہ صاحبہ نے خاموشی توڑدی

بالی ووڈ اداکار ارجن کپور کے ساتھ ڈیٹنگ کی گردش کرتی افواہوں پر بھارتی اداکارہ صاحبہ بالی نے آخر کار اپنی خاموشی توڑ دی ہے۔ دونوں اداکاروں کو حال ہی میں لندن کے کرکٹ اسٹیڈیم میں بھارت اور انگلینڈ کے درمیان جاری میچ کے دوران ایک ساتھ دیکھا گیا تھا، جس کے بعد سوشل میڈیا اور بھارتی میڈیا پر ان کی ڈیٹنگ کے چرچے شروع ہو گئے۔ وائرل ہوتی تصویروں اور چہ مگوئیوں پر اپنا ردِعمل دیتے ہوئے صاحبہ بالی نے انسٹاگرام پر ارجن کپور کے ساتھ تصویر شیئر کی اور مداحوں کو تنبیہ کرتے ہوئے لکھا کہ “ہر دیکھی یا سنی گئی چیز پر یقین نہ کیا جائے”۔ اداکارہ نے اس کے ساتھ ‘پارٹ ٹو’ کا کیپشن بھی دیا، کیونکہ اس سے قبل بھی ایک بار کسی میچ کے دوران وائرل ہونے والی تصویر میں انہیں غلطی سے انوشکا شرما سمجھ لیا گیا تھا۔