ہوٹل میں میاں بیوی پر مبینہ تشدد، وزیراعلیٰ پنجاب کے نوٹس پر چوکی انچارج گرفتار

پنجاب کے شہر بہاولپور میں ایک ہوٹل کے اندر میاں بیوی پر مبینہ پولیس تشدد کے واقعے کا سخت نوٹس لیتے ہوئے وزیراعلیٰ پنجاب کی ہدایت پر فوری کارروائی عمل میں لائی گئی ہے، اور لاری اڈہ پولیس چوکی کے انچارج کو گرفتار کر کے مقدمہ درج کر لیا گیا ہے۔

ذرائع کے مطابق یہ واقعہ دو روز قبل پیش آیا تھا، جہاں سب انسپکٹر محمد اویس نے ہوٹل میں چیکنگ کے دوران مبینہ طور پر ایک میاں بیوی کو بہیمانہ تشدد کا نشانہ بنایا۔ اس واقعے کی فوٹیج سوشل میڈیا پر وائرل ہونے کے بعد یہ معاملہ شدید عوامی حلقوں اور اعلیٰ حکام کی توجہ کا مرکز بن گیا۔ وزیراعلیٰ پنجاب کے نوٹس لینے کے بعد حرکت میں آنے والی پولیس نے فوری طور پر کارروائی کرتے ہوئے سب انسپکٹر محمد اویس کو حراست میں لے کر حوالات میں بند کر دیا ہے۔ پولیس حکام کا کہنا ہے کہ اختیارات کے مبینہ ناجائز استعمال اور غنڈہ گردی کے اس واقعے پر کسی قسم کی رعایت نہیں برتی جائے گی اور قانون کے مطابق سخت کارروائی عمل میں لائی جائے گی۔