بہاولنگر: پیرا فورس آفیسر کی شادی کا جھانسہ دیکر لڑکی سے مبینہ زیادتی

پنجاب کے شہر بہاولنگر میں پیرا فورس کے ایک انویسٹی گیشن آفیسر کی جانب سے شادی کا جھانسہ دے کر لڑکی کو مبینہ طور پر جنسی زیادتی کا نشانہ بنانے کا مکروہ واقعہ سامنے آیا ہے، جس پر پولیس نے متاثرہ لڑکی کی مدعیت میں مقدمہ درج کر کے ملزم کی تلاش شروع کر دی ہے۔

مقدمے کے متن کے مطابق ملزم حسام، جو پیرا فورس میں انویسٹی گیشن آفیسر کے طور پر تعینات ہے، نے لڑکی کو فیملی سے ملاقات کا بہانہ بنا کر ماڈل ٹاؤن کے ایک کمرے میں بند کیا اور مبینہ طور پر زیادتی کا نشانہ بنایا۔ مزاحمت کرنے پر ملزم نے لڑکی کو شدید جسمانی تشدد کا بھی نشانہ بنایا۔ ایف آئی آر درج ہونے کے بعد ملزم دفتر چھوڑ کر فرار ہو گیا ہے، جس کی گرفتاری کے لیے پولیس کی جانب سے چھاپے مارے جا رہے ہیں۔

واقعے کے بعد متعلقہ حکام نے فوری کارروائی کرتے ہوئے ملزم کو اس کے عہدے سے ہٹا دیا ہے۔ انچارج پیرا فورس کے مطابق واقعے کی باقاعدہ محکمانہ انکوائری شروع کر دی گئی ہے، اور انکوائری رپورٹ سامنے آنے کے بعد ملزم کے خلاف مزید سخت قانونی کارروائی عمل میں لائی جائے گی۔