27 اکتوبر1947ء ریاست جموں و کشمیر کی تاریخ کا سیاہ ترین دن ہے: وزیراعظم آزاد کشمیر

وزیراعظم آزاد کشمیر افتخار گیلانی نے 27 اکتوبر یومِ سیاہ کے موقع پر اپنے خصوصی پیغام میں کہا ہے کہ 27 اکتوبر 1947 کا دن ریاست جموں و کشمیر کی تاریخ کا سیاہ ترین دن ہے، جب کشمیری عوام کی مرضی کے خلاف غاصب بھارتی فوج نے وادی میں قدم رکھا۔

وزیراعظم آزاد کشمیر نے کہا کہ مقبوضہ جموں و کشمیر کے عوام پر بھارت کی جانب سے انسانی تاریخ کے بدترین مظالم ڈھائے گئے ہیں، تاہم تمام تر ریاستی بربریت کے باوجود کشمیری عوام کے دلوں میں آزادی کی شمع آج بھی پوری آب و تاب سے روشن ہے۔ انہوں نے کشمیری عوام کی لازوال قربانیوں اور عزم و استقامت کو زبردست خراجِ تحسین پیش کرتے ہوئے کہا کہ آزادی کا یہ جذبہ نسل در نسل منتقل ہو رہا ہے، اور انشااللہ وہ دن دور نہیں جب پوری ریاست جموں و کشمیر پاکستان کا حصہ بنے گی۔