نیتن یاہو کیلئے بڑا چیلنج، اسرائیل میں 120 نشستوں پر انتخابات آج ہوں گے

اسرائیل میں حکومت کی تشکیل اور وزیراعظم بنجمن نیتن یاہو کے سیاسی مستقبل کا فیصلہ کرنے کے لیے پارلیمنٹ کی 120 نشستوں پر عام انتخابات آج منعقد ہو رہے ہیں، جو موجودہ وزیراعظم کے لیے ایک بڑا اور کڑا چیلنج تصور کیے جا رہے ہیں۔

اسرائیلی پارلیمنٹ (کیسٹ) میں حکومت بنانے کے لیے کسی بھی جماعت یا اتحاد کو کم از کم 61 نشستیں درکار ہوتی ہیں۔ میڈیا رپورٹس کے مطابق نیتن یاہو کی حکومت کی تبدیلی کے خواہش مند تقریباً 67 ہزار اسرائیلی شہری حقِ رائے دہی استعمال کرنے کے لیے امریکا اور یورپ سے اپنے وطن واپس پہنچ چکے ہیں۔

حالیہ انتخابی جائزوں اور سرویز کے مطابق سابق آرمی چیف گادی آئزنکوٹ کے وزیراعظم بننے کے امکانات 52 فیصد ہیں، جبکہ موجودہ وزیراعظم بنجمن نیتن یاہو کی فتح کے امکانات محض 28 فیصد ظاہر کیے گئے ہیں۔ ان انتخابات کے نتائج کو موجودہ ملکی و علاقائی صورتحال کے پیشِ نظر انتہائی اہمیت کا حامل قرار دیا جا رہا ہے۔