بیلا حدید کے نئے مبینہ بوائے فرینڈ کی شناخت سامنے آگئی

بین الاقوامی میڈیا رپورٹ کے مطابق سپر ماڈل بیلا حدید کے نئے مبینہ بوائے فرینڈ کی شناخت سامنے آگئی ہے۔ ‘ڈیلی میل’ کی شائع کردہ ایک رپورٹ کے مطابق 29 سالہ بیلا حدید کو حالیہ دنوں میں اٹلی کے شہر میلان کے ایک نجی ریسٹورنٹ سے ایک ساتھ نکلتے ہوئے دیکھا گیا ہے، جس کے بعد کولوراڈو سے تعلق رکھنے والے پروجیکٹ مینیجر نیتھن لیسی کے ساتھ ان کے قریبی تعلقات کی افواہیں زور پکڑ گئی ہیں۔ قریبی ذرائع کا کہنا ہے کہ بیلا حدید اور نیتھن لیسی ابھی صرف ایک دوسرے کو جاننے کی کوشش کر رہے ہیں اور یہ تعلق فی الحال کسی سنجیدہ نوعیت کا نہیں ہے۔ بیلا حدید کو اس سے قبل متعدد بار نیتھن لیسی کے آبائی علاقے کولوراڈو میں بھی دیکھا گیا ہے۔ واضح رہے کہ بیلا حدید کا کاؤ بوائے اڈان بنیولوس کے ساتھ گزشتہ رشتہ رواں سال جنوری میں ختم ہو گیا تھا، جس کے جذباتی اثرات کے باعث انہوں نے کچھ عرصہ نئے تعلقات سے دور رہنے کا فیصلہ کیا تھا۔