ہانیہ عامر خواتین کیلئے کیسا معاشرہ چاہتی ہیں؟

خواتین اور لڑکیوں کے حقوق سے متعلق اپنے بیان میں اداکارہ ہانیہ عامر نے کہا ہے کہ ایک ایسے معاشرے کی ضرورت ہے جہاں خواتین اور لڑکیاں خوف کے بغیر کام کر سکیں، تعلیم حاصل کر سکیں اور اپنی آواز بلند کر سکیں۔

یو این ویمن ایشیا اور پیسیفک کی ریجنل ڈائریکٹر کرسٹین عرب نے ہانیہ عامر کو پاکستان میں خواتین اور لڑکیوں کے لیے محفوظ اور شمولیتی ڈیجیٹل و مالیاتی ماحول کو فروغ دینے کے لیے نیا گڈول امبسڈر مقرر کیا۔اس موقع پر کرسٹین عرب نے ہانیہ کا خیرمقدم کرتے ہوئے انہیں اس مشن میں کردار ادا کرنے کی دعوت دی۔ہانیہ عامر نے خطاب کرتے ہوئے کہا کہ ہمیں آن لائن رویوں کو نئے سرے سے ترتیب دینا ہوگا اور نقصان دہ سماجی اقدار کو چیلنج کرنا ہوگا تاکہ خواتین اور لڑکیاں خوف کے بغیر کام کر سکیں، تعلیم حاصل کر سکیں اور اپنے خیالات کا اظہار کر سکیں۔اداکارہ نے کہا کہ بااختیاری کا حقیقی مطلب صرف اس وقت ہے جب حفاظت یقینی ہو، چاہے وہ آن لائن ہو یا آف لائن۔